رحلة الي الموت

انتظرنا الجبيني حتى وصل وركبنا بحدود 20 بيسو على ما أظن
وأوصلنا عند بوابة حوش كبير
دخلنا الحوش حتى وصلنا عند مكتب سألنا عن طريقة الوصول إلى شلالات باغسانجان
فأشار لنا على لوحه خلفه
المكتوب فيها الشخص الواحد 650 بيسو
وإذا تبغى تدخل تحت الشلال 90 بيسو تدفعها أول ما تصل الشلال
قلنا ما في شي أخر (يعني ما ندفع شي آخر )
قالوا ولا شي
توكلنا على الله وحاسبنهم
لما نزلنا قالوا لي كيف تنزل كذا ملابسك راح تغرق
طبعاً زملائي لابسين شورات نص وأنا لابس بنطلون طويل
قلت والحل
قالوا روح اشتري لك شورت هناك
طبعاً فيه محل بجنبهم يبيع كل شي تحتاجه بس والله مره غالي
تصدقون شورت ما يسوى خمس ريال 400 بيسو
قالوا هذا ممتاز قلت هونت راح انزل كذا وقعدوا يحاولون فيه إلى أن نزلوا السعر إلى 200 بيسو
وافقت وأخذت الشورت ودخلت الحمام وغيرت
والله الشورت وسيع ولونه اصفر وشكلي وأنا لبسه يضحك
حطينا أغراضنا في كيس واحد ( الفلوس والملابس )
لما جينا ننزل قالوا حطوا أغراضكم عندنا
أنا رفضت وقلت راح نأخذها معنا أمن
نازلنا إلى القارب عبر الدرج قابلتنا وحده تبيع قبعات مثل قبعات المكسكين أخذنا ثلاث الوحدة 100 بيسو علشان حرارة الشمس
طبعاً الفلوس بالكيس لما جيت أخرجها قالت خلاص حاسبني لما ترجع
نزلنا القارب وركبنا الثلاث وألبسونا طوق النجاة
أول ما حرك القارب جاء قارب ثاني معه ونش وربط الحبل بقاربنا وقام بسحبه



لان المنطقة صعبه التجديف فيها



وبعد دقائق قام إلى يقود القارب يهذي ما ندري وش يقول
إلي فهمناه انه يقول أنا حسابي 500 بيسو ومساعدي 500 بيسو
افاااااااااااااااا ليش إحنا ما حاسبنهم هناك
قال هذا غير وبعدين انتم ثلاثة وفيكم واحد حجم عائلي والثاني وسط وأنت مجاناً والطريق صعبه
طبعنا إحنا انقهرنا من حركتهم هذي بس ايش نسوى نرجع
قلنا امرنا إلى الله ابشر



بعد شوي جاء قاربين على اليمين وعلى الشمال
واحد يبيع (كولا – سبرايت ) والثاني يبع فاكهه
قلنا ما عندنا فلوس قالوا بعدين لما ترجعوا
قامت إلي تبيع الكولا أعطت إلي يقود القارب ومساعده وقاموا فكوها على طول
واحنا أخذنا واحد قالنا امرنا إلى الله ( الحسابه تحسب )
وبلاش ننكد على أنفسنا علشان 50 بيسو ( صدقوا 50 بيسو ههههههههه )راح تعرفون كم سعر الكولا لما نرجع
المهم بعد ربع ساعة على ما ظن تركنا القارب إلي يسحبنا
وبدأت المتعة بالنسبة لنا
والمعاناة بالنسبة لقائد القارب ومساعده







ايش هذي المناظر سبحان الخالق



والله انك راح تنسى نفسك وتستمتع بالمناظر الخلابة







بعد نصف ساعة مرينا على نقطة تفتيش
ايوه نقطة تفتيش والله وسط النهر علشان يشوفوا القوارب ويتاكدون من أن الركاب لابسين أطواق النجاة
وأشياء أخرى اجهلها
وصلنا مشوار منتجهين الى الشلال





لاحظو كيف يحملون القارب بين الصخور وموضعه مواسير من حديد لتسهيل حركة القارب