قصيدة مختاره في مدح قبائل السعودية

يا عــظــيمـه كـل شـيٍ لــه حــدود ولــه نهــايـه
لـكـن انتـي ماوقفـتي عـنـد حــدّك يا عــظــيـمـه

اسـتلـذّيتـي بطــعـنــاتـي واخــذتـيهـا هـــوايـه

كـن مــا لـك حــربـةٍ تـوجــع وطـعـنـاتٍ ألـيـمـــه

آه لـيتـك مـا تـمـاديـتـي بطـعـنـات الـبـــدايــه

لـين صـار لـكـل طـعـنـه فالـحــشـا مـعنى وقـيمـه

الـلـه يبيحــك ولـكـن كـيف فـي أغـرب روايــه

تكـتبين الـحــب كـذبه والهـوى دقّـه قـديمــه

وانتـي الـلـي كـل مـا لـدّت عــيونك فـالـمــرايـه

ما لمـحـتـي الا الـيتيم اللـي خـذت قـلـبه يتيمـه

والـيتـيمـه فالـيتــامــى مــالـهـا حــق الـوصـــايـه

الـوصـيّـه عــودهــا الـغــض ونوايــاه الـســلـيـمـه

لـكـن انتـي صــار لـك حـق الـوصـــايـه والــولايـه

واسـتبدّيتـي وشـدّوا الـبدو واضـحـيتي مـقيمـه

ما رحـلـتي لـين حـطّـمـتـي بمـا فـيـه الـكــفــايـه

عـاقـلٍ حــب الـجـنون وصـوت نارك فـي مـشـيمـه

اسـتبحـتي حـرمـة الـمـجـنون بادراك وعــنـايـه

والـتـفـتّـي لـه بعقلك وارتـكـزتي في صـمـيمـه

امـتلـكـتي غـايتـه لو كـان مـالـه فـيك غــايـه

وانتـصـرتي في عـيونه واعـترف لك بالهـزيمـه

مـن كـثـر ما يعـشـقك مـاقـال لـك بالحـب رايـه

خـــايـف الأيـــام لا تـطــلــع عـواقـبـهـا وخــيـمــه

فـي طـريقـك كـل مـا كـنّه لمس درب الهـدايه

تـاه ودروب الحــياة المـسـتـقـيمـه مـسـتـقيمـه

تـايـهٍ بـصـري ومـن جــابـه لــبيت الـلــه تــايــه

عـذر مـن غـمّـض بعـين وعـينه الأخــرى كـريمــه

فـدوتـك مـا فـات مـن لـيّـام والـلــي عــاد جــايـه

يا بعـد عـمـرٍ مـخــاسـيره مـعـك عـندي غـنـيمـه

أنتـي الـفــارع بـقـد وجــد واســمـاء وكــنـايـه

مـن عـشـق مـثـلـك يجـوز من الهوى وشـداد ريمـه

لـيه لا وانتي بحــسـنك فـي ذوات الـحــسـن آيـه

لا ذهـــب لا مـــاس لا يـاقـوت لا احــجـــارٍ كــريـمـــه

شــاعــرٍ لــه مـع هـل الـرايـات فـالـمــرقــاب رايـه

كـل مـا هــبّـت هــبوبك فـلّـهـا قـدر وحــشــيـمــه

سـامـحـك مـن ألـف بـاء الـذنب الى مـالا نـهـايه

واسـتباحـك عـن خـطـاه وكـل طــقٍ بتعــلــيـمـه

يـوم قـلـتـي أعــطـنـي حــرّيتـي أطــلــق يـدايـه

مـا ذخــر عـن وجـهـك الا طـعـنتينٍ فـي صـمـيمـه