أحـس إني إذا شفتك .. أتوه بعالم التفكير

أحـس إني إذا شفتك .. أتوه بعالم التفكير
تحاصرني المشاعر فيك .. وتطلق سربها ويجيك



قصايد حبي بكتبها .. ولو خانني التعبير

أبكتبها على يدينك .. وأضم يدي على كفيك



شعرت بسحرها يسري .. وينبض خافقي ويثير

وعاهدتك بكل إخلاص .. وعهدي إنكتب بيديك



ولا يمكن أخون العهد .. ولا يمكن يجيه تغيير

ولو باعوك كل الناس .. أنا لك بالوفا أشريك



ومهما حاول الحساد .. أقول الي يصير يصير

مدامك ساكنة قلبي .. بعيني تشوف كيف أغليك



إذا تبى تشوف قدرك .. تراه هو عالي التقدير

لأنك صرت لي القلب .. وروحي ساكناتٍ فيك



أشوفك تمشي بين الناس .. ولكنك حقيقة غير

عجزت ألقى أحد يشبهك .. قلت يارب بس يحميك



هذي نبرة إحساس .. وإحساسي معاك بخير

إحساسي معاك حتى إذا أخطيت .. جاك يشكيك



أحس بلهفة العطشان لمويه .. لو تجية تقطير

وأحس بلهفة العميان لنظرة .. وتسأليني اشفيك؟!



أحس بالقلب له جنحان .. ولو وده يجيك يطير

ولو مكتوب أموت بيديك .. طلبتك ادفنيني فيك