كأنه ما بكي قلبي .. كأني ما ترجيتك..

.. كــــــــــأني ..

كأني ما عرفت الحب وظلمه يوم حبيتك
كأني ما وطيت الجرح ولا قد ذقت له مُرين

كأني ( جاهل) توي ( أجي ) يوم أنا جيتك
وصارحتك بإحساس سكن في داخلي من حين

كأنه ما بكي قلبي .. كأني ما ترجيتك
حبيبي تكفى لا تبعد .. حبيبي لا تروح الحين

كثر ما لامني قلبي كثر ما ني تمنيتك
أبد ما هنت في لحظة ولا عزّت لشوفك عين

كثر ما صاحت جروحي كثر ما عنها داريتك
وقلت أنت الدوا لروحي بقربك تنطفي نارين

حبيبي والعسل اللي عرفته يوم حبيتك
شرقت بطعمه الحالي نسيت بقربك التخمين

كأني ما سمعت الجرح يصرخ يوم ناديتك
أبد لا يغرك الحالي ترى مره يجي بعدين

وشلتك داخل ضلوعي عن أحبابي وعزيتك
وقلت الجرح ما يلفي بحبايب واسمهم غالين

آثاري طبعك تخلي وأنا عمري خليتك
تركت القلب يتعذب يعاني من أسى المرين

كرهت الدنيا بوجودك كثر ما ني تمنيتك
عرفت أن الهوى سكه تضيع قلبي المسكين

تصدق ؟؟ جرحي الماضي تجدد يوم حبيتك
خلاص الحين خليني ترى بعدك أبد ما لين

تبسم هانت دموعي وسالت يوم أبكيتك
وذقت الضيم والحسره بدال المره في ثنتين