@@ضيعت حبي ياعسى الله يجازيـك@@

توك تجي تطلب رضا قلب ناسيك
ذابت ورودك واصبحـن يابساتـي

. ضيعت حبي ياعسى الله يجازيـك
وانكرت قلبي يومك اغلى امنياتـي

. واليوم قلبي يبتعد عـن موانيـك
والحين توهـا ابحـرت باخراتـي

. لاتحسبني عاشـق وميـت فيـك
ولاتحسبنـي غافـل فـي عماتـي

. هذا كتابي كاتـب فيـه ماضيـك
مافـات كلـه كاتبـه يـوم فاتـي

. يومك تخون وتطعن القلب بيديـك
ويومك تنقص بالمشاعـر غلاتـي

. ويومك تعيش بحب غيري واناديك
تسمـع ولاكنـك تحـس بشقاتـي

. ادري فرحت وصار همي يسليـك
وادري شعوري ذاق عقبك مماتـي

. والحين والله لاجرحك مااداويـك
عندي جروح وماصنعـت الدواتـي

. والحين قلبي في همومك يخليـك
لقيـت غيـرك وآبـذوق الهناتـي

. وارجوك تبعد خلني اعيش ناسيك
تكفـى طلبتـك لاتكـدر حيـاتـي