خذاني الموت .. الجزء الثاني..

السلام عليكم ورحمه الله وبركاته ..





.. .. .. ..


* الجزء الثاني * ....

أمينه وأمل رايحين يجيبون النتائج امل فرحانه لانها كانت جايبه امتياز وطالعه الثانيه كانت تطمح بأكثر

من كذا بس الظروف ما ساعدتها .. .. وامينه كانت منقهره لانها جايبه مقبول وهم راجعين للبيت ... ..

وتدخل امل وهي فرحانه وتقابل اخوها حمد وتقوله : حمد بارك لي نجحت وجبت امتياز .. ..

ويرد حمد بكل برود : مبرووك ست امل روحي تلاقين ملابسي هناك غسليها .. وروحي سوي لي غدا

لاني جيعان .. وشيلي الاغراض هذي ارميها برا الغرفه .. إلا ويلمح امينه مارة وهي زعلانه وينادي

عليها : امينوه .. امينوه .. أمينه : خير ايش تبغى .. حمد :هاه بشري .. امينه : على ايش !! ..

حمد : على الشهاده اجل على ايش .. نجحتي !! .. امينه : إيوه نجحت .. حمد : كذابه هاتي اشوف

امينه : خذها خذاك ابليس .. حمد : وييييع وع وع وع كلها وع اقول روحي شوفي شهاده امل وتعلمي

إلا صحيح انتي كيف نجحوك تعرفين تقرين وتكتبين وإلا ..لا .. أمينه وعيونها دمعت من القهر : أوريك ..

.. وتطلع وتسكر الباب باقوى ما عندها .. حمد :وجع يقص يدك .. يا الفاشله ..

امينه تروح حق امها وتقولها على اللي صار ..امها انقهرت .. وقالت : وين أمل ؟؟ .. امينه : تغسل ملابس

حمد .. نورة :طيب وين شهادتها ؟؟ .. امينه : مادري يمه بس أكيد في غرفتها في السطح يمه تكفين اذا

جاء أبوي وقارن بين الشهادتين أكيد بيهاوشني ..

نورة : ولا يهمك يابنتي روحي وجيبي شهادتها .. وتروح امينه ركض وهي فرحانه وتجيب شهادة أمل ..

وتأخذها نورة وتقول أمشي قدامي .. ويروحون عند أمل اللي كانت تغسل ملابس حمد وهي واقفه قدام

الغساله تجي نورة وتقول : امل هذي شهادتك .. أمل : إيوه ..ليه أعجبتك يا عمه !! ..نورة : ايوه اعجبتني

ومن حلاوتها شوفي .. وتشققها وترميها على وجه أمل ... امل : ليه !! .. ليه سويتي كذا !! ..

حرااام والله حرااام ...أنا ابغى اكمل تعليمي وطموحي أدخل الجامعه عشان أتوظف وأصرف عليكم ..

نورة : نعم ؟؟!! ..ما سمعت عيدي اللي تقولينه .. عيدي حبيبتي ما سمعت !! ..جامعه .. وظيفه.. ها ها ها

لا يا ماما ..خلاص دراسه ما فيه وانتي بتجلسين في البيت .. وبعدين ما فيه خدامه تدرس !! ..

أمل من القهر ترد تقول : وما فيه بعد خدامه بدون راتب !! .. إلا تصكها نورة ذاك الكف .. وتقول :

والاكل اللي تاكلينه واللبس اللي تلبسينه والغرفه اللي تنامين فيها كل هذا مو بفلوس .. وإلا تظنين

انه ببلاش ..

إلا بهذا الوقت يدخل فهد ويقول :ايش فيكم صوتكم واصل لآخر الشارع ... ترد امه :امل تبي تكمل

دراستها ... فهد: و ايش فيها ... نوره : قل وايش مافيها .. فهد: يمه مكبرين المساله عادي ..نوره :

وانت ترضى كل شغل البيت على راسي ... فهد: شوفي يمه اذا على شغل البيت فبناتك سبع وامل

ثامنتهم .... نوره: فهــ...... فهد: لحظه يمه واذا تبغين احد يساعدك في شغل البيت خلي امينه لاهي

فالحه بدراستها ولاشي اما امل خلوها تكمل دراستها .... نوره: اقول لا والف لا بنتي تكمل دراستها

وتجيب اعلى شهادة وامل هي اللي بتجلس في البيت ... الا ويدخل عادل وهو معصب وتقول نوره :

تعال ياعادل اسمع امل وش تقول تبي تكمل الدراسه وتتوظف..... يرد عادل بكل تجاهل : طيبب..طيب

ويروح غرفته .. تروح نوره وراه للغرفه وتقول : ايش يعني طيب طيب انت ماتسمع اقولك البنت تبي تكمل

دراستها وتتوظف لا ياعيوني البنت تقعد في البيت لاني ابغا احد يريحني من شغل البيت لاني تعبت.....

عادل :اللي تبنه يصير .... وسمعت خلود اللي دار بين امها وابوها راحت تقول لامينه وامينه فرحانه

بالقرار لانه دائما تكون فيه مقارنه بينها وبين امل من قبل المعلمات وتكون هذي المقارنات من نصيب

امل ... راحت امينه فرحانه حق امل وتقولها : ابوي يقول خلاص بتجلسين في البيت يعني باااااي يا

دراسه.... امل: ليه !! حراام بس انتي متاكده ابوي قال كذا ..... امينه : الصراحه لا ماقال لي بس امي

قالت له وهو وافق ... امل : لا ماني مصدقه بروح واقول لابوي اني ابغى اكمل دراستي ...

امينه : ها ها ها اذا امي قالت شئ يمشي على الجميع .... امل تدق باب غرفه ابوها ....

نوره:تفضــل .. أمل تفتح الباب وبخوف :يبه !! .. نورة تطالع فيها باحتقار وتطلع برى الغرفه.....

امل : يبه انا ابغى اكمل دراستي ... عادل: لا.... امل وبدت عيونها تمتلئ بالدموع ليش !!!

عادل: مين يساعد نوره في شغل البيت ... امل: يبه اي شغل اللي تتكلم عنه كل شغل البيت على راسي

..... عادل يصطنع الكحه ..... امل وهي تترجاة : يبه الله يخليك (وتبكي ) ...عادل بدا قلبه يلين شوي وقال :

بفكر وبعدين أرد عليك .. .. تدخل نورة وتقول : أنتي للحين هنا !! .. يالا ما تفهمين يا ماما دراسه ما فيه

اطلعي برا وتدفها وتسكر الباب... ... ...




.. .. .. .. ..



بعد مرور سنه تقدم سالم لبنت عمه سماح وصار كل شئ بسرعه خطبه .. ملكه.. زواج ..وحتى الطلاق

صار بسرعه لان سماح كانت جدا مهمله وأمها ما علمتها شئ لانهم معتمدين على أمل في كل كبيرة

وصغيرة .. ..

وبعد طلاقها الناس قاموا يتكلمون وانتو تعرفون نظرة المجتمع للمطلقه .. ..

فأصاب سماح شئ من الجنون وقامت تتكلم مع نفسها وتتخيل شخصيات غير موجوده .. ..

قال صافي لأمه : يمه يعني عاجبتك حاله سماح !! ..

نورة : لا والله يا وليدي بس وش تبيني أسوي ؟؟ ..

صافي : نوديها لدكتور نفسي وهو بيشخص حالتها .. ..

نورة : هذا أكيد من ام السحور أمل هي سبب طلاقها وهي سبب الحاله اللي صارت فيها سماح ..


.. .. ..


الساعه الثامنه من يوم الخميس ..

نورة وعيالها مجتمعين على الفطور إلا شخصين .. حمد اللي كان نايم لانه هذا قالب الحياة سهر ومجمعات

وبنات في الليل .. ونوم في النهار .. والشخص الثاني عادل لانه كان في الشغل ..

والاكيد انو امل مو معاهم .. إذا بقى شئ منهم أكلت واذا ما بقى ما تاكل ..

نورة : أقول يمه صافي فكرت باللي قلت لي عليه ..

صافي : وايش قلت لك يمه !! ..

نورة : وتغمز له عشان الباقين ما يفهمون هذاك اليوم وبخصوص ..

صافي : ايوه يمه بخصوص إيش كملي عن جد مو فاهم ..

نورة : صافي .. بخصوص المستشفى ..

عبير : واي مستشفى يمه بسم الله عليك !! ..

نورة: لا ولا شئ ..

عبير : يمه انتي فيك شئ!! ..

نورة : لا ما فيني شئ ما تفهمين خلاص اسكتي ..

.. لحظتها فهم صافي ايش كانت تقصد أمه ..

وقال : إيييييييه يمه فهمت تقصدين بخصوص سمـ ...... نورة تقاطعه : ايه ايه خلاص بعدين قفل على

الموضوع ..

نبيل : الحمد لله .. ويقوم ..

.. وهو داخل المطبخ يشوف أمل قاعده وحاضنه رجولها بيدها ..

.. كان نبيل اصغر واحد في العائله يعني تقدرون تقولون المدلل وبزياده بعد بس كان طيب القلب احيانا ..

نبيل : أمل .. أمل : نعم .. نبيل : ليش قاعده في المطبخ !! ..

أمل : ليش بغيت شئ !! .. نبيل : لا بس اسأل ... جيعانه ... أمل : إيوه وبموت من الجوع ..

نبيل : طيب انتظري شوي ..

ويرجع نبيل ويقعد على الطاوله وتصرخ عليه أخته نعمه : أنا كم مرة قلت لك اذا قمت من على الأكل ما

ترجع وتأكل مرة ثانيه أكل مرة وحدة وقوم ..

نورة : يا نعمه شوي شوي على الولد ..

نعمه : يمه هالولد بيخترب والسبه انتي وترى ما حد راح يندم عليه إلا انتي ..

.. نبيل قاعد يجمع أكل في صحنه ..

خلود : ما شاء الله توك ماكل مثل هالصحن مرتين ما تشبع يا الدب ..

نورة : قولوا ما شاء الله على ولدي لا يصير فيه شئ ..

أمينه : وهي صادقه يمه شوفيه يالدب نبيل الدب نبيل الدب ..

.. ونبيل ما كلم أحد شال صحنه وقام .. وتصرخ عليه نعمه : هيه انت متى تتعلم ..

وكمل نبيل مشيه وكأنه ما يسمع ويروح المطبخ ...

نبيل : أمل خذي .. أمل : مين عطاك إياه !! .. نبيل : أنا جبته لك .. أمل : أخاف أ .....

نبيل : لا تخافين خذيه وروحي السطح ..

أمل : مشكور ... وتأخذه وتطلع السطح .....

وتقوم أمينه من على الطاوله : الحمد لله .. .. وتروح المطبخ لقت نبيل قالت له : نبيل ما شاء الله

أمداك تاكله وين الصحن لايكون اكلته بعد..

نبيل بسخريه : هاه هاه هاه يا شين اللي يستخف دمه ..

قام كل اللي على الطاوله وبقى صافي وامه ...

صافي: يمه متى تبغين نودي سماح المستشفى ....

نورة : لازم أفاتحها بالموضوع أول ..

صافي : ليه هي خطبه يمه ..

نورة : لا بس ما يصير أقولها يالا على المستشفى ..

صافي : إيه عادي قولي انتي المريضه وبتاخذينها معك ..

نورة : بتقول ليه ما تاخذين وحده ثانيه من خواتي ..

صافي : بسيطه قولي لها انك ما تبغين تعلمين احد ..


.. وفي العصر ..

صافي : انا في السيارة ..

نورة : طيب .. طيب

وتروح نورة لغرفه سماح وسماح ساكتها سوالف مع نفسها ..

نورة في قلبها : الله يشفيك ..

وتفتح الباب وتدخل ..

نورة : هاه يمه خلصتي ..

سماح : إيوه انا جاهزه من زمان

نورة : يالا أخوك في السيارة

.. .. ..

........ في المستشفى ..........

تطلع سماح من الغرفه وتلحقها نورة وتقول : سماح تعالي تعالي لا تفضحينا ....

سماح : ليه شايفيني مجنونه وتكذبين علي ..


..... داخل الغرفه ......

صافي : يعني ايش فيها اختي يا دكتور .....!!!!!

الدكتور : شوف اللي في أختك مرض نفسي بسبب صدمه هي تلقتها ......

صافي : يعني ايش فيها !!!!!!!

الدكتور : انفصام في الشخصيه ....


.. .. ..

سماح : لازم نرجع البيت .....

نورة : طيب خليني أنادي أخوك ..


(( ويرجعون للبيت )).......

مشكور يالمظلوم وما تقصر تحياتي مي19سي