خذاني الموت .. (( قصه واقعيه ))

السلام عليكم ورحمه الله وبركاته ...


.. .. ..

القصه تتكلم عن معاناة (( أمل )) مع الحياة من ولادتها انكتب لها الشقا مع ابوها وامها وزوجه ابوها ..


.. .. ..


& الشخصيات :


*الاب : عادل * الزوجه : نورة *الزوجه الثانيه (( أم أمل)) : شريفه


*ابناء نورة :

أربعه أولاد : صافي , فهد , حمد , نبيل

سبعه بنات : سماح , نعمه , أمينه , خلود , وسام , عبير , جمانه

*أبناء شريفه :

من الزوج الاول _عادل_ .... : أمل

من الزوج الثاني :

ثلاث ابناء : ماجد , ناجي , يوسف

ثلاث بنات : ساره , سعاد ، مجد

* الجدة ... (( أم شريفه )) ..........





.. .. .. ..



* الجزء الاول :


صار خلاف بين عادل وزوجته نورة يوم عن يوم يكبر هالخلاف اللي ما ستحملته نورة وراحت لبيت أهلها

في الوقت اللي ما جابت منه الا خمسه أطفال ..

وبعدها بكم شهر قام عادل وتزوج شريفه في الوقت اللي كانت نوره لسه زعلانه في بيت أهلها وبعدها

وبعدها بفتره حملت شريفه وجابت امل اللي كانت فرحانه فيها بس عادل ما كان يبغاها تحمل لان هو ما

خذها الا عشان يقهر نورة لانه يحب نورة حب جنوني وحاول كذا مرة انو يرجعها بس هي ترفض ومره

من المرات وافقت بس كان من ضمن شروطها انه يطلق شريفه .... أكيد هو بيوافق لانه مثل ما قلت لكم

يحبها ......

وطلق عادل شريفه وقال لها : (( أنا ما أبغى أشوفك ولا أشوف بنتك )) . . . . . .

وهنا كرهت شريفه بنتها لأنها حست ان هي سبب طلاقها لانها كانت تظن عادل طلقها بسبتها . . .


.. .. .. ..


ومرت الايام وكبرت امل وصار عمرها ثلاث سنوات وحقد امه لهايكبر يوم عن يوم وتقدم سلمان لشريفه

فوافقت لانها لسه صغيره والعمر قدامها بس كان من شروط سلمان أن أمل ما تعيش معهم فرحت

شريفه بهذا الشرط وراحت لعادل وقالت له أنا بتزوج ومو فاضيه لبنتك خذها .. .. ..

عادل رفض انه ياخذها لانه ما يبغاها من البدايه فصار ما قدام شريفه الا انها تو دي امل عند امها (( جدة

أمل)) اللي كانت عجوزة وفقيره ولا حول لها ولا قوه .. .. ..

عاشت أمل عند جدتها سعيده لأن البيت كان مليان بالحنان والحب مع انها كانت عيشه قاسيه شوي

لان جدتها ماكان عندها دخل مادي .. .. ..


.. .. .. ..

ومن هنا بدت معاناه أمل بعد موت جدتها اللي كان عمرها في هذاك الوقت خمس سنوات .. ..


.. .. .. ..

حضرت شريفه العزاء اللي كان في بيت أمها (( جده أمل)) وراحت كأنها وحده من المعزين وتركت أمل

لوحدها في هذاك البيت الموحش و اللي أصعب من هذا أن البيت كان ايجار فجا صاحب البيت وطرد

أمل الطفله ذات الخمس سنوات وهي تبكي عند فرشه جدتها لانها وقتها ما كانت تفهم الموت.. ..

طلعت أمل للشارع .. المأوى والمسكن الوحيد اللي كان لها .. .. ..

بس الناس ماتركت أبوها من الكلام فأخذها أبوها عشان يسكت الناس بس !! ....

نورة رفضت في البدايه ان أمل تعيش عندها .. لكن عادل قال لها : أرضي فيها (( كخادمه)) .. .. ..

فعاشت أمل عند أبوها ولكن كانت تنام في غرفه في السطح .. تخدم أسرة كامله كانت من تصحى من

النوم وهي في شغل ( كنس ,تنظيف , غسيل , ......... الخ ) .. وما كانوا يطعمونها الا وجبه وحدة في

اليوم .. ..



.. .. .. ..

وسنه عن سنه كثروا عيال نورة وصاروا ((11)) وكثر الشقا على أمل ..

وفي احدى الايام بعد ما خلصت أمل شغل البيت فكرت انها تروح تذاكر ..

كانت امل وأمينه اللي تكبرها بنتين في نفس الصف لان أمينه ما كانت شاطره يعني (( مطيسه)) في

الدراسه......

يوم خلصت أمل الشغل وهي طالعه في الدرج عشان تروح تذاكر وتريح الا واحد يسحبها من ورى

ويقول :هيه أنتي وين طالعه أول شئ تحلين لي الواجبات بعدين تطلعين وتروحين في ستين داهيه..

لفت أمل على ورى وكانت بتطيح بش قدرت توازن نفسها وقالت : يا أمينه ياأختي أ.... تقاطعها أمينه :

لاتقولين اختي أنتي اصلا هنا خدامه .. خدامه وبس فهمتي ..

ترجع أمل وتكمل كلامها : أنا اللحين يالله أطلع وأكمل واجباتي وأروح أنام عشان بكرة أقوم بدري وانظف

البيت قبل ما اروح المدرسه الله يخليك أنتي حلي واجباتك اليوم بس اليوم والله ما أقدر ما عندي وقت

تكفين أمينه الله يخليك ..

أمينه وهي تصارخ: هيه انتي الله لا خليني أن خليتك تطلعين وما تحلين واجباتي والا والله لاأقول حق

أبوي اني شفتك تاخذين فنيله من فنايله وتسوين فيها شئ..

أمل وعيونها مليانه دموع : حسبي الله عليك أنا سويت كذا !! .. أمينه : إيه وانا شفتك

إلا وصوت باب البيت يتسكر ابوهم جاي من العمل ..........

وتروح امينه وتسوي نفسها تبكي وطايحه على الارض عند رجول أمل ..

الاب يركض : امينه .. امينه ايش فيك ؟؟....

أمينه : يبه ما أدري أسئلها بس قلت لها أمل أختي حبيبتي ممكن تحلين لي واجباتي لأني مصدعه

وتعبانه إلا تصارخ بوجهي وترفسني على بطني وتقول لي أنا مش خدامه عندكم انا مو مصبرني عليكم

الا عشان اخذ غرضي واذا اخذته بترككم لان العيشه عندكم تقرف .....

وكل ما حاولت أمل انها تتكلم وتدافع عن نفسها سكتها ابوها : انتي مالك كلمه في هالبيت فاهمه

كملي حبيبتي أمينه ..

امينه: ويوم سألتها وش الغرض ؟؟ قالت انتي فاهمه وماله داعي تتغيشمين .. وتعطيني كف ..

ويوم سمع أبوها الكلمه الاخيره .. الا ويرفع رأسه على أمل اللي بدورها كانت مفتحه عينها على الاخر

من هول الكذب اللي قاعده تسمعه .. ويقوم أبوها ويضربها ضرب وحوش ويركلها على بطنها وهي تتألم

وتقول : والله ما قلت والله ما سويت .. والدم على وجهها مخلوط بدموع المظلوم .....




........ (( الجزء الثاني قريبا )) ..........